நிதர்சனம்

வாடகை வீட்டில்
வசிப்பவர்கள் எனினும்
நிறைய சேர்த்து விடுகிறோம்
சொந்தங்களென

அடிக்கடி
முகவரி மாறுவது பற்றிய
வருத்தங்களும் கூடுதலே

கைக்கெட்டியது போக
நிறைய திரும்பியிருக்கக் கூடும்
மடல்கள் பரிசுகளென்று
திரும்ப பெருகிறவர்கள்
திட்டுவதும் கூட

எப்போதேனும் சந்திக்கையில்
புதிய முகவரி பற்றி
கேட்கக் கூடும்.

எழுதிக்கொடுக்கையில்
துவண்டுதான் போகிறது மனம்
எத்தனை நாளைக்கிது
நிரந்தரமென்று?

(''தை'' கவிதை காலாண்டு முதல் இதழில் வெளியாகி பாராட்டுப்பெற்ற கவிதை)